دوشــــوپ یــــادا  گـــینه تبـــریز هـواسی                       

خیــــالیم   دا   گــلیر   تبـــریز   صـداسی                       

دردیــــمـه  درمــــان‌دی  تبـــریـز  داواسی                       

                                    آمّــا  حیــف  اوزاخــلاشــدیــم  تبـریـز  دن

                                    اُوتــورمــوشــام آغــلاییــرام سـن‌سیز  دن

یادا تــوشــور ســیدعــلی نیــن سوزلری                       

او سِــــومَـلی، گیــــجه رنگــی گــوزلــری                       

کیــم‌لــر گـورسـه، یاخشی بیلــر اوزلـری                       

                                    قارداشــیم‌دی جــانیــم کیــمــی سِــوَرَم

                                    گــــرکــــیرســــه   جــــانیـمی‌دا     وِرَرَم

باخدیم دالیسیجا یار گئدنده  

                            بیر یولدا دئدیم باخار گئدنده

                     باخدی قاپیدان گئچنده گولدو  

      بیلمیردی اوره‌ک‌ اومار گئدنده  

                  باغلاندی دیلیم اوره‌کدن آمما

                             آز قالدی چئکم هاوار گئدنده  

               گئتمه ، گئدیسن ؟ یاواش یاواش گئت

         جانیم بیلیسن چیخار گئدنده

              دوندر گؤزونو ، خومار خومار باخ

                                   قویما منی ده ، خومار گئدنده

                 سن سیزلیگه دؤزمه‌گیم چتیندی

         گل جانیمی آل قوتار گئدنده

                سندن سورا عشقی نئیلیرم من

                                 آل عشقینی ده آپار گئدنده

                   مهر ایله نوازش ائیله بلکه

      گول بیتسین اوره‌کده ، قار گئدنده

               من گؤر نه دئییردیم اؤز اؤزملن

                                 قول بوینوما بیر سالار گئدنده

               بیچاره اوره‌ک بولود کیمین دیر

      گؤردوکجه سنی دولار گئدنده

اورکیم عشقینی باشدان آتا بیلمز

بیر قاریش تورپاقینی دونیایا هئچ واخ ساتا بیلمز

ئوزونو ئوزگه لره هئچ قاتا بیلمز

سنسیز اولسا یاتا بیلمز

اولو تبریز!

آی آنا!

شهریار تک بالا لار ایندی یاتیبلار قوجاغیندا

اورکیم قوش تک اوچوبدور اوتوروبدور بوداغیندا

دونیانین غملی چاغیندا

منی میندیر او گؤزل قونقایا تبریز!

یئنه تاریخده دولاندیر

یئنه ده عالمه ستار خانی قایتار

قورویوبدور داهی غیرت داماری گل قانی قایتار

ئولو جیسمه جانی قایتار

الینی قاوزا گؤیه گؤیده کی پروین لری گؤستر

اورکیم آیریلیقا بیل کی دؤزنمیر

الینی سندن اوزنمیر

ئوزگه بیر ئولکه ده سنسیز لی گزنمیر

سنی گؤردوم

باخیشیم بیر گونش اولدو

سویا باخدیم سو ایشیقلاندی دولاندی

گؤزو یومدوم سو کدر لندی دایاندی

بیلمیرم سنده نه وار؟

بلکه یاشام بلکه باهار

بلکه ده بیر اورکی غمله پیچاقلانمش نار...

قورخورام سنسیز اولام شعریمی تئز شاختا وورا

نفسیمده دونا قارشیمدا دورا

قورخورام اولمایا بیر کس

بو گؤزل شعر اوجاغین بیرده قورا

دی نسیمی دریسین اوستومه چکسین

قویما شاعیر دیزه چؤکسون

شهریار ئولکه سی سن

ادبین شانلی داغی ‍‍چال پاپاغی ائل دایاغی

یول قارانلیقدی گؤرنمیر اورکیم

شمسه دی ساچسین ایشیق یوللاریما

دونیا شاعیرلری سندن هله الهام آلاجاقلار

صائبیندن اوخودوقجا

قلم الدن سالاجاقلار

بو نه سیردیر قالاجاقلار

دوزدو کی یئللر اسنده

نازلی گوللر قانینا هی بو یانیبسان

آمما ارگین تکی هیبتلی کولکلر قاباغیندا دایانیبسان

اولو تبریز!

ائلیمین سئومه لی گؤیچک گؤلی سنده

داملادیر هرنه گؤزللیک سئلی سنده... سئلی سنده...

آخ ....گؤزللر ائلی سنده

سنسیز اولسام دییرم

باشقا دیلک وارسادا زای دیر

ایچدییم بیر آجی چای دیر آجی چای دیر

هانسی گؤیچک سنه تای دیر؟

هانسی گؤیچک سنه تای دیر؟

2-قازان قازانا ديئير گوتون قره دي

3-گولمه قونشووا گلرباشووا

4-يووولماميش قاشيق كيمي اؤزوي آتماقاباغا

5-سن آغا من آغا ئينكلري كيم ساغا

6-دانا چيخماميش بيزو چيخماز

7-پيشيكين آغزي اته يئتيشمز ،ديئرمونداردي

8-آت تووله ميخين يئردن چيخالدار،بيرين يئره وورار  ايكي سين اؤزونه

سیزلاییر احوالیما صبحه قدر تاریم منیم

تکجه تاریم دیر قارا گونلرده غم‌خواریم منیم

چوخ وفالی دوستلاریم واردیر، یامان گون گلجه‌یین

تاردان اوزگه قالماییر یار وفاداریم منیم

یئر توتوب غمخانه ده، قیلدیم فراموش عالمی

من تارین غمخواری اولدوم، تار غم‌خواریم منیم

گوزلریمه هر تبسم سانجیلیر نئشتر کیمی

کیپریگی خنجردی، آه، اول بی وفا یاریم منیم

آسمان آلدی کناریمدان آی اوزلو یاریمی

یاش توکر اولدوز کیمی بو چشم خون‌باریم منیم

ای بو غملی کونلومون تاب و توانی، سویله بیر

عهد و پیمانین نه اولدو، نولدو ایلغاریم منیم

شهریارم گر چی من سوز مولکونون سلطانی‌یم

گوز یاشیمدان باشقا یوخدور در شهواریم منیم

استاد محمدحسین شهریار

باخدیم قلم قاشینا

                                  یازدیم قبیر داشینا

سندن سورا کول اولسون

                               بو دنیا نین باشینا